ШҚО тұрғынынан заңсыз қару тәркіленді

ШҚО тұрғынынан заңсыз қару тәркіленді, деп хабарлайды El.kz ақпараттық агенттігі.

Зайсан ауданының полицейлері жедел-профилактикалық іс-шараларын жүргізу барысында аудан ауылдары бірінің 67 жастағы тұрғынын анықтады, одан 5,6 мм калибрлі ТОЗ-8М мылтығы тәркіленді.

Ер адамға қатысты келуге міндеттеу түріндегі процестік мәжбүрлеу шарасы таңдалды.

Аталған факті бойынша ҚР ҚК-нің 287-бабы 3-бөлігі (Атыс қаруын заңсыз сатып алу, беру, өткізу, сақтау, тасымалдау немесе алып жүру) бойынша сотқа дейінгі тергеп-тексеру басталды. Қарудың табылуына қатысты мән-жай анықталып жатыр, тергеу қорытындысы бойынша процессуалдық шешім қабылданады.