ШҚО-да түтінге оранған үйден ер адам құтқарылды

ШҚО-да полиция қызметкері түтінге оранған үйден ер адамды құтқарды, деп хабарлайды El.kz ақпарат агенттігі.

ҚР ІІМ мәліметінше, демалыс күндері Алтай қаласының полиция қызметкері Олжас Серікқанов отбасымен қыдырып жүріп, көпқабатты көрші үйдің терезелерінің бірінен қалың түтін шыққанын байқаған.

Терезеге жақындап, торды ашып, пәтерде ұйықтап жатқан ер адамның бар екенін көріп, шығуға көмектескен.

Оқи отырыңыз:

• Шымкентте 19 жыл бұрын болған кісі өлтіру ісіне қатысты үкім шықты
• «Қаһарман». Өрт сөндіруші Асқар Забикулин туралы сериал түсіріліп жатыр

Үй иесі пештің үстіне тамақ салынған табаны қойып, қатты ұйықтап кеткен.

Олжас Серікқанов Алтай ауданы ПБ УҰИ бастығының орынбасары қызметін атқарады.

Ішкі істер органдарында 10 жылдан астам уақыт жұмыс істейді.