ШҚО-да 20 жасар ер адам есірткі жасырып жатқан жерінен ұсталды

ШҚО-да 20 жастағы тұрғын есірткі сатты деген күдікке ілінді, деп хабарлайды El.kz ақпарат агенттігі.

Жас жігіт қала жағажайының маңында есірткіні қойып жатқан жерінен ұсталды. Оны тінту кезінде жедел уәкілдер изолентамен оралған ерекше иісі бар ұнтақ затпен бірнеше қорап тәркіледі.

Сонымен қатар күдіктінің тұрғылықты жерінен полиция қызметкерлері жалпы салмағы 42 грамнан асатын α-PvP психотроптық заттарын тәркілеген, бұл қара нарықта 140 реттік дозаны құрайды. Күдіктіге қатысты есірткі құралдарын заңсыз сақтағаны және өткізгені үшін қылмыстық іс қозғалды.

Оның мүлкі тәркіленіп, он бес жылға дейінгі мерзімге бас бостандығынан айыру жазасы тағайындалуы мүмкін.