Шерзат Полаттың үйін өртеу ісі: Бас прокуратура Ресейден көмек сұрады

Сенат кулуарында Бас прокурордың орынбасары Ғалымжан Қойгелдиев Шерзат Полаттың үйінің өртенуіне қатысты тергеудің мерзімі не себепті ұзартылып жатқанын түсіндірді, деп хабарлайды El.kz ақпарат агенттігі.

Оның айтуынша, тергеу барысында қазірдің өзінде екі сараптама жүргізіліп, олардың белгілі бір нәтижелері алынған. Дегенмен прокуратура қосымша мәліметтерге қол жеткізгісі келеді.

Сотқа дейінгі тергеу амалдары жалғасып жатыр. Сараптамалар кең ауқымда жүргізілді. Біз оны халықаралық тергеу комиссиясына жібердік. Осы ретте Ресей Федерациясынан көмек сұрадық. Енді спутник арқылы оқиға кезінде сол маңда қандай көліктер болғанын анықтағымыз келеді. Бұл біраз уақыт алады, – деді Ғалымжан Қойгелдиев.