Шахтадағы апат: бірқатар басшыға сот үкімі шықты

Қарағанды облысының Шахтинск қалалық сотында «Қазақстан» шахтасында болған өрттен бес кеншінің қаза болу фактісі бойынша қылмыстық іс қаралды. 25 ақпанда үкім жарияланды, деп хабарлайды El.kz ақпарат агенттігі.

Сот мәліметінше, сотталушылар орындығында төрт адам болған.

Сотқа дейінгі тергеп-тексеру органымен Г., М., Т., Г. (өндірістік қызметті өндіру жөніндегі директор орынбасарының міндетін уақытша атқарушы, конвейерлік көлік учаскесінің бастығы және басқалар) екі немесе одан да көп адамның абайсызда өліміне әкеп соққан тау-кен немесе құрылыс жұмыстарын жүргізу кезінде қауіпсіздік ережелерін бұзды деп айыпталды (ҚР ҚК 277-бабының 3-бөлігі), - делінген сот мәліметінде.

ҚК-нің 277-бабының 3-бөлімінде көзделген қылмыс ауырлығы орташа қылмыс саналады. Бап санкциясы 3 жылдан 8 жылға дейін бас бостандығынан айыруды көздейді.