Шағын және орта бизнеске қолдау: үкімет жаңа бағдарлама дайындап жатыр

Бұл туралы алдағы уақытта өтетін Тұрақты даму мақсаттарының саммитіне орай ұйымдастырылған брифингте Экономикалық зерттеулер институтының басқарма төрағасының орынбасары Әділ Құсманов тілге тиек етті, деп хабарлайды El.kz ақпараттық агенттігі.

Ол сөзінде шағын және микробизнестер үшін арнайы салық режимдері қолданылатынын атап өтті.

Оқи отырыңыз:

• "Ең төменгі жалақы 300 мың болуы керек". Ринат Зайытов миллиондаған премия алатын басшыларға шүйлікті
• Қазақстан бетбұрыс кезеңінде тұр – БҰҰ-ның Қазақстандағы Тұрақты үйлестірушісі

«Микро және шағын бизнестерге өте аз салық салып, ал орта бизнестерге үлкен салық төлесең, онда бизнестер іріленгісі келмейді. Біз бизнестердің өскенін қалаймыз. Яғни бұл біздің дамуымыздың реформалар және қолдау аясындағы екінші бағыты деп айтуға болады. Ал мемлекеттік сатып алу жүйесі туралы айтсақ, онда да белгілі бір стимулдар бар. Шағын және орта бизнес үшін тіпті орта кәсіпорындардың ішінде де әлеуметтік тұрғыдан осал қызметкерлер болуы мүмкін. Оларға да мемлекеттік сатып алу аясында белгілі бір жеңілдік беріледі, – деді ол.

Сондай-ақ ол бұл мемлекеттің ұсынып отырған қолдауы деп айтты.

ШОБ қолдау көрсету мақсатында үкімет қазір жаңа бағдарлама дайындап жатыр. Бұл бағдарламаның ерекшелігі, берілетін субсидиялар және жеңілдетілген кредиттер осы бизнестің ауқымына, жергілікті және халықаралық нарыққа шығарыла ма, соған да байланысты болады. Мемлекеттік бағдарламаның негізгі мақсаты осы, – деді Экономикалық зерттеулер институтының басқарма төрағасының орынбасары Әділ Құсманов.