Семейде үш жастағы бала көпқабатты үйдің терезесінен құлап кетті

Семейде бес қабатты үйдің терезесінен 3 жастағы бүлдіршін құлап кетті, деп хабарлайды El.kz ақпарат агенттігі.

Жазатайым оқиға қаладағы 1 шағын ауданда түс кезінде орын алған.

Бүлдіршін терезеге орнатылған арнайы тормен бірге 4-қабаттан құлаған.

Оқиға орнына көмекке келген жедел жәрдем қызметкерлері баланы облыстық балалар ауруханасына апарды. Ал тәртіп сақшылары оқиға ересектердің абайсыздығынан болғанын анықтаған.

Баланың үйде анасымен бірге болғаны, ал ол құлаған сәтте анасының ас үйде жүргені анықталды. Бүлдіршін терезенің алдына орындық қойып, оған орнатылған арнайы тормен бірге жерге құлап түскен, - делінген Абай облысы ПД таратқан ақпаратта.