Сауд Арабиясының футболшылары Польшадан жеңіліп қалды

Қатарда өтіп жатқан футболдан әлем чемпионатында Сауд Арабиясының командасы Польша құрамасынан жеңіліп қалды, деп хабарлайды El.kz.

Эр-Райяндегі «Эдьюкейшн Сити» стадионында өткен ойын тартысты өтті. Сауд Арабиясының құрамасы алғашқы таймда басымдыққа ие болғанымен, 39-шы минутта қарсыластарына ұпай жіберіп алды. 81-ші минутта польшалықтар жеңіс әкелген голды соқты.

Ойын нәтижесіне сәйкес, 30 қарашада Польша құрамасы Аргентинамен кездеседі. Ал Сауд Арабиясы Мексикамен бақ сынасады.

Бірінші турда Польша құрамасы Мексикамен тең түсіп, ойын 0:0 есебімен аяқталса, Сауд Арабиясы Аргентинаны 2:1 есебімен жеңіп кетіп, жанкүйерлерін таң қалдырған болатын.