Сатурнда тіршілік болуы мүмкін – ғалымдар

Еуропалық ғарыш агенттігі (ЕҒА) Сатурнның серігі Энцеладта өмір сүруге қажетті барлық алғышарттар бар екенін мәлімдеді. Бұл туралы Daily Mail-ге сілтеме жасай отырып El.kz интернет порталы хабарлайды.

Бұл тұжырым «Кассини» ғарыш аппаратының 2008 жылы серіктің оңтүстік полюсіндегі гейзерлерден мұз кристалдарын жинап алған деректеріне негізделген. Ғалымдар жаңа алынған үлгілерде аминқышқылдарының ізашарларын қоса алғанда, күрделі органикалық молекулалар барын растады.

Енді Энцелад тіршілікті қолдай алатын әлем ретінде қарастырылуы үшін барлық талаптарға жауап береді, - деді зерттеу жетекшісі, Берлин еркін университетінің профессоры Нозаир Хаваджа.

Оның айтуынша, Энцеладта өмірдің жоқтығының өзі үлкен жаңалық болмақ:

Мұндайда «барлық қолайлы жағдай бола тұра, неге тіршілік пайда болмады?» деген сұрақ туындайды, - деді ғалым.

Диаметрі шамамен 500 шақырымды құрайтын Энцеладтың бетін мұзды қабық жапқан, ал оның астында сұйық судан тұратын мұхит бар. Гейзерлер суды ғарышқа атқылап, оның бір бөлігі Сатурнның сақинасын құрайды.

Жаңа деректер органикалық заттардың Күн сәулесінің әсерінен емес, дәл осы мұхиттың қойнауында түзілетінін көрсетті. Бұл жерде биологиялық тұрғыдан маңызды процестер жүруі мүмкін деген болжамды күшейтеді.

Алдағы уақытта ЕКА Энцеладқа арнайы миссия жоспарлап отыр. Экспедиция серіктің шлейфтерінен мұз үлгілерін жинап, алғаш рет оның бетіне қонуға талпынады.