Руандада су тасқынынан 120-дан астам адам көз жұмды

Руандада нөсер жаңбырдан туындаған лай көшкіні мен су тасқыны құрбандарының саны 127-ге дейін өсті, деп хабарлайды El.kz ақпарат агенттігі.

3 мамырдағы есеп бойынша, апат кем дегенде 127 адамның өмірін қиды, - деп келтіреді The New Times полицияның мәлімдемесін.

Бұған дейін билік 95 адам қаза тапқаны туралы хабарлаған. Ал ел президенті Пол Кагаме Twitter-де қайтыс болғандардың туған-туыстарына көңіл айтты.

Өткен түнде батыс, солтүстік және оңтүстік провинцияларда өткен көшкін мен су тасқыны құрбандарының отбасылары мен жақындарына қайғырып көңіл айтамын, - деп жазды.

Табиғи апат салдарынан көптеген үй қирап, жолдар жабылды. Зардап шеккен аудандарда құтқару жұмыстары жалғасуда.