Роза Әлқожа келініне тосынсый жасады

Отандық әнші Роза Әлқожа Instagram-да келініне жасаған тосынсыйын көрсетті деп хабарлайды El.kz ақпарат агенттігі.

Оқырман қауым ене мен келіннің арасындағы жылы қарым-қатынасты жоғары баға берді.

Жаңа үйленгенде, үйге үйренісе алмай жүргенде күйеуіңнен басқа ешкім қызық болмайды ғой. Бар баққаның, бар күткенің бір адам. Ал ол өзінше боп жүреді дегендей.

Сәлемі, орамалы бәрі де бар. Тек қалаға, қыдыруға шыққанда жалаңбас жүре бер деп рұқсат бердік. Маған да сөйткен. Жалпы, Алматы облысында қатты заң жоқ.

Кеше Ясинаға жейде әпер деп Әсемді сауда үйіне жібергенмін. Өзім салонда едім. Идея деген ойда жоқта келеді емес пе?! Келінге күтпеген жерден кеше салонда отырып осылай жаздық та жасадық. Келінжанның аппақ ниеті шығар?! Көңіліңе құдай берсін, - деп жазды әнші.

Жақында ғана ұлын үйлендірген Роза Әлқожа келініне тосынсый жасау туралы шешім қабылдаған. Өнер иесі хаттар жазып, келініне таңдау жасау керектігін айтты. Сол арқылы ол өзін жуық арада не күтіп тұрғанын білді. Жас келін күйеуімен бірге Шри-Ланкаға демалысты таңдады.