Рок-н-ролл ханшайымы Тина Тернёр өмірден өтті

Танымал әнші созылмалы аурудан көз жұмды, деп хабарлайды El.kz ақпарат агенттігі.

Әлемдегі шоқтығы биік әншілердің бірі Тина Тернёр 83 жасында көз жұмды. Бұл ақпаратты оның баспасөз хатшысы растады.

Рок-н-ролл ханшайымы Тина Тернёр бүгін 83 жасында Швейцарияның Цюрих қаласына жақын жерде орналасқан Кюснахттағы өз үйінде созылмалы аурудан қайтыс болды. Онымен бірге әлем музыка аңызы мен үлгілі тұлғаны жоғалтты, - делінген әншінің баспасөз хатшысы таратқан хабарламада.

Тина Тёрнер (дүниеге келгендегі есімі – Анна Мэй Буллок) – америкалық және швейцариялық әнші, ән авторы, биші әрі актриса. Сегіз «Грэмми» сыйлығының иегері, «Рок-н-ролл ханшамайы» атағының иесі. Rolling Stone журналы оны біздің заманымыздың ең беделді әншілерінің бірі деп таныған.