Ресейде геологтар мінген көлік суға батып кетті

Забайкальеде геологтар мінген жол талғамайтын көлік таудан сырғып, көлге құлап батып кетті. Бұл туралы Shot Telegram-арнасына сілтеме жасай отырып El.kz интернет порталы хабарлайды.

Оқиға 16 қыркүйекте Чина ауылынан 15 шақырым жерде болған. Жеке компанияға тиесілі шынжыр табанды жол талғамайтын көлік су айдынынан өту кезінде батып кеткен.

Көлік жоғары жылдамдықпен суға кіріп кетіп, бата бастады. Ішінде болған төрт адам өз күштерімен жағаға шығып үлгерді, – делінген хабарламада.

Алайда оқиға салдарынан кәсіпорынның бес қызметкері қаза тапты.

Аталған факті бойынша РФ Қылмыстық кодексінің 238-бабы 3-бөлігіне сәйкес қылмыстық іс қозғалды.