Ресейде бес адам белгісіз заттан уланып, қайтыс болды

Астрахань облысында бес адам белгісіз заттан қайтыс болды. Тағы 14 адам ауруханаға жеткізілді, деп хабарлайды El.kz ақпарат агенттігі.

8 мамырдан 9 мамырға қараған түні Астрахань қаласының Советский және Трусовский аудандарында әртүрлі жерлерден, соның ішінде көліктен 18-ден 40 жасқа дейінгі ерлер мен әйелдердің денесі табылды. Алдын ала мәлімет бойынша, олардың барлығы есірткі пайдаланған.

Бес адамның өліміне байланысты РФ Қылмыстық Кодексінің 109 бабы, 3 бөлігі бойынша (абайсызда екі және одан да көп адамды өлтіріп алу) қылмыстық іс қозғалды, - деп хабарлайды Астрахань облысының Тергеу комитеті тергеу басқармасының баспасөз қызметі.

Астрахань облысына жақын орналасқан қала мен аудандардың 14 тұрғыны ауруханаға жеткізілген. Олардың 11-інің жағдайы ауыр және қазіргі уақытта ауруханада жатыр.