Ресей СІМ басшысы Сергей Лавров Астанаға жұмыс сапарымен келді

Ресейдің сыртқы істер министрі Сергей Лавров Астанаға жұмыс сапарымен келді. Бұл туралы ТАСС-қа сілтеме жасай отырып El.kz ақпарат агенттігі хабарлайды.

Бүгін Сергей Лавров премьер-министр орынбасары – сыртқы істер министрі Мұрат Нұртілеумен келіссөздер жүргізеді.

Ресей Федерациясының президенті Владимир Путиннің Қазақстан Республикасына жоспарланған мемлекеттік сапарына дайындалу мәселелеріне басты назар аударылады. Ресей-Қазақстан стратегиялық әріптестігі мен одақтастығы рухында екіжақты күн тәртібін, өзара қызығушылық тудыратын өзекті халықаралық мәселелерді талқылау көзделеді. Ортақ интеграциялық алаңдарда, соның ішінде ең алдымен ЕАЭО, ҰҚШҰ, ТМД және ШЫҰ алаңдарында өзара іс-қимыл бойынша пікір алмасу өтеді, – деді ҚР СІМ ресми өкілі Мария Захарова іссапарға қатысты мәлімдеме жасай отырып.

Қазақстан мен Ресей сыртқы істер министрлігінің басшылары 2025-2026 жылдарға серіктестік бойынша іс-шаралар жоспарына қол қояды.

Сергей Лавров Астанадағы жоғары оқу орындарының бірінің мұғалімдерімен және студенттерімен кездеседі.