Қызылорда облысындағы жантүршігерлік жол апатынан төрт адам мерт болды

Қызылорда облысында жантүршігерлік жол апатынан төрт адам қайтыс болды, деп хабарлайды El.kz Polisia.kz-ке сілтеме жасап.

Белгілі болғандай, Тереңөзек-Қызылорда тасжолының 60/31 шақырымында КамАЗ бен бензовоз көліктері жеңіл автокөлікпен соқтығысқан. Соның салдарынан 4 адам қайтыс болып, бір адам түрлі дене жарақаттарымен ауруханаға жатқызылды.

Орын алған жол-көлік оқиғасы бойынша ҚР ҚК-нің 345-бабының 4-бөлігімен (Автомобильді басқаратын адамның жол жүрісі қағидаларын бұзып, абайсызда екі немесе одан да көп адамның өліміне әкеп соғу) сотқа дейінгі тергеп-тексеру әрекеттері жүргізілуде, - делінген хабарламада.

Тиісті сот сараптамалары тағайындалды. Оқиғаның мән-жайы анықталып жатыр.