Қытайдың су басқан аудандарында 40 мыңдай адам қалып қойды

Қытайдың Гуандунь провинциясында тұрғындар су басқан аудандарда қалып қойған. Оларды құтқаруға қайықтар жіберіліп жатыр, деп хабарлайды El.kz ақпарат агенттігі.

Қытайда бірнеше күннен бері толассыз жауған нөсер жауын салдарынан халқы ең көп Гуандун провинциясында қатты су тасқыны болды. Төпелеп жауған жаңбырдан өзендер арнасынан асып, соңғы 50 жылда болмаған ең жоғары деңгейге көтерілген. Ал елдің оңтүстігінде көшкін басталған.

Тасқын кезінде 4 адам қаза тауып, 11 тұрғын із-түзсіз жоғалып кетті. Мектептер жабылып, миллионнан аса үй жарықсыз қалған.