Қытайда тұрғындар супертайфуннан кейін көшеден балық аулап жүр

Қытайдың оңтүстігінде болған «Рагаса» супертайфуны жергілікті тұрғындарға тосын жағдай да сыйлады. Табиғи апаттан кейін Макао көшелері мен Фуцзянь провинциясындағы Чжанчжоу жағалауы нағыз «балық аулау алаңына» айналды. Бұл туралы Mint-ке сілтеме жасай отырып El.kz интернет порталы хабарлайды.

Макаода қатты дауыл салдарынан көшелер су астында қалған. Әлеуметтік желілерде пайда болған бейнежазбаларда тұрғындардың тізеден келген су ішінде ау салып, тіпті полиэтилен қаппен балық аулап жүргені көрсетілген. Кейбіреулер велосипедке жүк артса, енді біреулер «олжасымен» селфи жасаған.

Қазір тұрғындар суға кіріп, балық аулап жүр, кәдімгі үлкен тоғанға айналғандай, – дейді оқиға куәгері.

Ұқсас көрініс Чжанчжоу қаласында да байқалды. Жағаға соққан толқыннан кейін жүздеген тұрғын шелектерін алып, балықтарды теруге асықты.