Қысқы Азия ойындарында Ұлттық құрама спортшылары бүгін қай уақытта сынға түседі

Бүгін, 9 ақпан күні Қытайда өтіп жатқан қысқы Азия ойындарында бірқатар қысқы спорт түрлерінен маңызды жарыстар өтеді, деп хабарлайды El.kz ақпарат агенттігі.

Спорт сүйер қауым ски-альпинизм, шаңғы жарысы, конькимен жүгіру және шайбалы хоккейден өтетін жарыстарды тамашалай алады.

Ски-альпинизм сайыстары 07:30-да ерлер арасындағы жарыспен басталады. Ал 08:10-да әйелдер мен ерлердің финалдық бәсекелері өтеді. Шаңғы жарысында 5 шақырым қашықтыққа жүгіру бойынша әйелдер арасындағы финал 08:00-де басталады.

Конькимен жүгіру сайыстары да көрермендер үшін қызықты өтпек. 500 метрлік жарыста әйелдер арасындағы финал 09:00-де өтсе, 5000 метрлік жарыста ерлер финалы 09:56-ға жоспарланған. Сонымен қатар, командалық спринт бойынша әйелдер арасындағы финал 11:56-да өтеді.

Күні бойы өтетін жарыстардың ең қызықтысы шайбалы хоккей болмақ. Қазақстан әйелдер құрамасы Кореямен кездесіп, маңызды ойын өткізеді. Бұл матч 12:30-да басталады.

Керлинг (әйелдер құрамы)

• 06:00 – Қазақстан ? Жапония
• 10:00 – Қазақстан ? Тайбей

Шорт-трек жарыстары

• 07:00 – 1000 метр (әйелдер) – Финал
• 07:00 – 1000 метр (ерлер) – Финал
• 08:55 – 3000 метр эстафета (әйелдер) – Іріктеу кезеңі
• 08:55 – 5000 метр эстафета (ерлер) – Іріктеу кезеңі
• 09:42 – 3000 метр эстафета (әйелдер) – Финал
• 09:42 – 5000 метр эстафета (ерлер) – Финал

Тау шаңғысы (Ерлер, слалом)

07:00 – Финалдық сайыс

Фристайл-акробатика

• 07:00 – Әйелдер финалы
• 08:30 – Ерлер финалы

Барлық жарыстардың уақыты Астана уақытымен басталады. Жанкүйерлер сайыстарды "Qazsport" телеарнасынан тікелей эфирде көруіне мүмкіндік қарастырылған.