Басты
Жаңалықтар
Спорт
Құрамадағы ең егде боксшы әлем чемпионатын жеңіспен бастады

Құрамадағы ең егде боксшы әлем чемпионатын жеңіспен бастады

Мадина Асылбекова
Фото: ©El.kz

Қазақстандық боксшы Теміртас Жүсіпов Дубайда (БАӘ) Халықаралық бокс қауымдастығы (IBA) ұйымдастырып жатқан әлем чемпионатында алғашқы жекпе-жегін өткізді, деп хабарлайды El.kz интернет порталы.

Жарысты 1/8 финалдан бастаған 48 келінің өкілі үндістандық Девендра Сингх Соланкимен қолғап түйістірді. Үш раундқа созылған айқас қорытындысы бойынша төрешілер жеңісті Теміртас Жүсіповке берді.

Осылайша, 2013 және 2019 жылдардағы Азия чемпионы, 2021 жылғы әлем чемпионы Жүсіпов ширек финалға жолдама алды. Ал үнді боксшысы турнирдегі жорығын осы кезеңде аяқтады.

Әлем чемпионаты биыл 13 желтоқсанға дейін жалғасады. Турнирдің жалпы жүлде қоры – 8,32 миллион доллар.

әлем чемпионаты бокс
Қысқа да нұсқа. Жазылыңыз telegram - ға

Оқи отырыңыз

{