Қостанайда Қазақстан мен Ресейдің XIX өңіраралық ынтымақтастық форумы басталды

 Қостанайда "Ауыл шаруашылығы – мықты экономиканың негізі" тақырыбында Қазақстан мен Ресейдің XIX өңіраралық ынтымақтастық форумы өз жұмысын басталды, деп хабарлайды El.kz ақпарат агенттігі.

Форумға бейнеконференцбайланыс режимінде екі мемлекет басшылары Қасым-Жомарт Тоқаев пен Владимир Путин қатысады.   

Өңіраралық алаңда бизнес, салалық мемлекеттік орган, ведомстволар, ғылыми топ өкілдері, екі ел өңірлерінің басшылары жиналады.

Форум Қазақстан-Ресей Іскерлік кеңесінің отырысынан басталып, қатысушылар шекаралас өңірлердің ауыл шаруашылығы саласындағы ынтымақтастығының өзекті мәселелерін, соның ішінде ауыл шаруашылығы техникасын жасау, АӨК-дегі көлік инфрақұрылымын дамыту мен ауыл шаруашылығы жобаларын техникалық сүйемелдеу мәселелерін талқылайды.

Іскерлік кеңестен басқа мынадай үш панельдік сессия өткізу жоспарланған: «Қазіргі жағдайда азық-түлік қауіпсіздігін қамтамасыз ету», «Агроөнеркәсіп кешеніндегі цифрлық технологиялар», «Жастар және ауыл шаруашылығы: білім берудегі жаңа үрдістер».

Форум қорытындысы бойынша өңіраралық және коммерциялық құжаттарға қол қойылады деп күтілуде.

Ресей Федерациясы Қазақстанның негізгі сауда серіктестерінің бірі болып табылады. 2022 жылдың қорытындысы бойынша Қазақстан мен Ресей арасындағы екіжақты сауда көлемі 27  миллиард (экспорт – 9 9,1 миллиард, импорт – 1 17,9  миллиард) құрады, бұл - Қазақстанның жалпы тауар айналымының 20%-ы (19,9%).

Биыл жылдың қаңтар-тамыз айларында сауда көлемі $17 млрд болды, бұл өткен жылғы көрсеткіштен 1,1% жоғары.