Қоңырөлең мен Жаркент тұрғындары жер сілкінісін сезінді

ҚР Төтенше жағдайлар министрлігіне қарасты сейсмикалық стансалар желісі 00 сағат 08 минутта жер сілкінісін тіркеді, деп хабарлайды El.kz  ҚазАқпаратқа сілтеме жасап.

Жер сілкінісінің ошағы Алматы қаласынан солтүстік-шығысқа қарай 241 км қашықтықта Қазақстан аумағында орналасты.

Жерасты дүмпуінің энергетикалық санаты – 10,5. MPV магнитудасы – 4,9. Тереңдігі – 25 шақырым.

МSК-64 бағаны бойынша жер сілкінісі Жетісу облысының Қоңырөлең кентінде – 2-3 балл, Жаркентте 2 балл қуатпен сезілген.