Қазақстанның үздік шахматшылары анықталды

Фото: ©El.kz/Артем ЧУРСИНОВ

Астана қаласында Қазақстан шахмат федерациясы ұйымдастырған «KazChess Awards» сыйлығының жеңімпаздары анықталды, деп хабарлайды el.kz ақпарат агенттігі.

Үздіктерді Қазақстан шахмат федерациясының президенті Тимур Турлов марапаттады. Олардың арасында спортшылар, бапкерлер және төрешілер бар. Биыл аталымдар тізімі 12 санатқа дейін кеңейтілді. Өткен жылы «KazChess Awards» сыйлығында 9 аталым болған еді.

KazChess Awards сыйлығы дәстүрлі сипат алып келеді. Екінші жыл қатарынан біз үздік спортшылар, бапкерлер, төрешілерді және Қазақстанда шахмат спортының дамуына сүбелі үлес қосқандарды марапаттаудамыз. Бұл маңызды, өйткені әркімнің еңбегі әділ бағалануы тиіс, жұмыс істеуге деген құлшыныс болуы керек. Оның үстіне 2023 жыл оқиғалар мен жетістіктерге өте бай жыл болды. Бізде мақтаныш етіп, құрметтейтін адамдар жетерлік, - деп атап өтті Қазақстан шахмат федерациясының президенті Тимур Турлов.

Жеңімпаздар Қазақстан шахмат федерациясы президиум мүшелерінің дауыс беру жолымен таңдалды. Оларды анықтау кезінде спортшылардың халықаралық және республикалық жарыстардағы жеке көрсеткіштері ескерілді.

«Ерлер арасында үздік спортшы» аталымы – Алдияр Аңсат,
«Әйелдер арасында үздік спортшы» аталымы – Ксения Балабаева,
«Жыл үміті» аталымы – Данис Қуандықұлы,
«Жыл бапкері» аталымы – Александр Моисеенко,
«Өрлеу – 2024» аталымы – Зарина Нұрғалиева,
«Үздік төреші» аталымы – Кәусар Бауыржан,
«Ерлер арасында үздік ардагер» аталымы – Айтқазы Баймұрзин,
«Әйелдер арасында үздік ардагер» аталымы – Ирина Буланова,
«Жылдың үздік партиясы» аталымы – Әлішер Сүлейменов,
«Үздік шахмат шолушысы» аталымы – Александр Ляхов,
БАҚ арасында жыл серіктесі – Курсив,
«Үздік команда» аталымы – ҚР ұлттық әйелдер құрамасы.

Айта кету керек, биыл Қазақстан шахмат федерациясы үшін маусым қызу өтпек. Себебі, Қазақстанда төрт маңызды турнир жоспарланып отыр.Олар: жүлде қоры 100 мың долларға бағаланған Владимир Дворкович мемориалы, Жастар арасында Азия чемпионаты және Рапид пен блицтен командалық чемпионат пен әйелдер арасында ФИДЕ Гран-при турнирі.

Фото: Артем ЧУРСИНОВ

Шахмат спорт Тимур Турлов

Қысқа да нұсқа. Жазылыңыз telegram - ға

27 Шілде, 18:09

«Бәрі қаржыға байланысты»: Неліктен «Қайрат» еурокубоктағы матчын Түркістанда өткізеді

Қазақстанның үздік шахматшылары анықталды

Оқи отырыңыз