Қазақстанның ең бай адамы Құлыбаевтың компаниясына айыппұл салынды

Облыс прокуратурасы өңір экономикасын демонополизациялау бойынша дәйекті жұмыс жүргізуде, деп хабарлайды El.kz ақпарат агенттігі.

«Joint Technologies» ЖШС-нен «Сұйытылған мұнай газын сақтау паркі» ЖШС (бұдан әрі-Парк) үлесінің 50% сатып алу-сату шарты бойынша ерекше талаптарды бұзғаны үшін бюджетке 1,7 млрд теңге мөлшерінде тұрақсыздық айыбы өндірілді.

Сондай-ақ, бәсекелестікті қорғауды бұзғаны үшін Парк сот қаулысымен ӘҚБтК-нің 159-бабының 3-1-бөлігі бойынша әкімшілік жауаптылыққа тартылып, 324 млн теңге көлемінде айыппұл салынды.

Бұған дейін прокурорлық тексеру нәтижелері бойынша жалпы сомасы 5,7 млрд теңгеге 50% үлес түріндегі мүлік мемлекетке қайтарылған болатын.

Айта кетейік, Forbes-тің 2023 жылғы қазандағы деректеріне сәйкес, Joint Technologies серіктестігі "Кипрос" ЖШС құрылымына тиесілі. Ал аталған мекемелердің меншік иесі Тимур Құлыбаев екені белгілі.