Қазақстанның 40 азаматы Газа секторынан эвакуацияланып жатыр

Сыртқы министрлігінің ресми өкілі Айбек Смадияровтың айтуынша, бүгін кешке дейін эвакуациялау жұмыстары аяқталалады деп жоспарланып отыр, деп хабарлайды El.kz ақпарат агенттігі.

Барлығы 44 адам эвакуацияланады. Оның 40-ы Қазақстан азаматы, төртеуі олардың жақын туыстары.

Қазақстан сыртқы істер министрі Мұрат Нұртілеу Израиль сыртқы істер министрімен телефон арқылы сөйлесті. Бүгін біздің отандастарымызды эвакуациялау басталып жатыр. Эвакациялау Газа секторынан Рафах бақылау-өткізу пункті арқылы болады. Пункттен өткеннен кейін Каирге, содан соң Қазақстанға келеді, - деді Смадияров.

Сондай-ақ ол әлі де бірнеше эвакуациялау болатынын айтты.

161 адамның тізімін бердік. 44 адамға ғана рұқсат алдық, - деді өкіл.