Қазақстандықтар тамыз айында қанша күн демалады?

Жаздың соңғы айында, бес күндік жұмыс аптасында жұмыс істейтін азаматтар үшін 21 жұмыс күні мен 10 демалыс күні қарастырылған. Ең жағымдысы – айдың соңында қатарынан үш күндік демалыс күтіп тұр, деп хабарлайды El.kz интернет порталы.

30 тамыз – Қазақстан Республикасының Конституция күні. Бұл – елдің негізгі мемлекеттік мерекелерінің бірі. 2025 жылы бұл күн сенбіге сәйкес келеді. Ал Еңбек кодексіне сәйкес, егер ресми мереке демалыс күнімен тұспа-тұс келсе, қосымша демалыс келесі жұмыс күніне ауыстырылады. Осыған байланысты 1 қыркүйек, дүйсенбі – қосымша демалыс күні болады.

Осылайша, тамыз айының соңында қазақстандықтар мынадай шағын демалыс алады:

• 30 тамыз (сенбі) – Конституция күні;
• 31 тамыз (жексенбі) – әдеттегі демалыс;
• 1 қыркүйек (дүйсенбі) – ауыстырылған демалыс күні.

Айта кетейік, Қазақстанда Конституция күні жыл сайын 30 тамызда аталып өтеді. Бұл күн 1995 жылы өткізілген жалпыхалықтық референдумда жаңа Негізгі заңның қабылдануына арналған. Бұл заң барлық құқықтық актілерге – заңдар мен жарлықтардан бастап халықаралық келісімдерге дейін негіз болады.

Айта кетейік, бұған дейін қай айда еңбек демалысына шыққан дұрыс екені туралы жазған едік.