Қазақстандық жас дзюдошы әлем чемпионатында жүлдегер атанды

Қазақстандық балуан Арман Мыса дзюдодан Болгарияның София қаласында өтіп жатқан жасөспірімдер арасындағы әлем чемпионатында қола жүлдегер атанды, деп хабарлайды El.kz интернет порталы.

Отандасымыз 50 келіге дейінгі салмақта ел намысын сәтті қорғады.

Арман қола медаль үшін өткен белдесуде венгриялық Милан Цабоны сенімді түрде жеңді.

Айта кетейік, әлем чемпионаты 30 тамызға дейін жалғасады. Жарысқа әлемнің 71 елінен 551 спортшы қатысуда.