Қазақстандық сейсмологтар жер сілкінісін тіркеді

5 қазанда таңертең қазақстандық сейсмологтар жер сілкінісін тіркеді, деп хабарлайды El.kz интернет порталы.

Қазақстан Республикасының Ядролық физика ұлттық зерттеу орталығына қарасты Геофизикалық зерттеулер институтының жедел мәліметтеріне сәйкес, жер дүмпуі Астана уақытымен сағат 11:20-да (Гринвич уақытымен 06:20) болған.

Сейсмологтардың ақпараты бойынша, жер сілкінісінің ошағы Қытай аумағында орналасқан.

Эпицентр координаттары – солтүстік ендік 40,47°, шығыс бойлық 77,15°. Жер сілкінісінің магнитудасы – 4,5, энергетикалық класы – K=10,4, – делінген Қазақстанның Ұлттық деректер орталығының хабарламасында.

Қазіргі уақытта жер дүмпуі Қазақстан аумағында сезілгені немесе зардап шеккендер туралы ақпарат түскен жоқ.