Қазақстандық оқушылардың қысқы демалысы қашан басталады

Желтоқсан енді ғана басталса да, мектеп оқушылары алдағы Жаңа жыл мерекесі мен қысқы демалысты асығып күтіп жүр, ал биыл олар күнтізбелік он күнді құрайды, деп хабарлайды El.kz ақпарат агенттігі.

Оқу-ағарту министрлігінің мәліметінше, бірінші сынып оқушылары қыста екі рет демалады: ақпан айында оларға қосымша бір апта демалыс беріледі.

Екінші тоқсанда сегіз оқу аптасы бар. Қысқы демалыс күнтізбелік он күнді құрайды – 2024 жылғы 30 желтоқсаннан бастап 2025 жылғы 8 қаңтарды қоса алғанда. Бірінші сыныптарда қосымша демалыс күнтізбелік жеті күнді құрайды – 2025 жылғы 10-16 ақпан аралығы, - делінген министрлік мәліметінде.

Оқу жылындағы ең ұзақ тоқсан – үшінші тоқсан. Ол он аптаға жалғасады. Көктемгі демалыс наурыз айына жоспарланған және 11 күнге созылады – 21-31 наурыз.

Соңғы, төртінші тоқсан, сегіз аптадан тұрады, яғни 2025 жылдың 25 мамырында аяқталады.