Қазақстандық мергендер Әлем кубогының финалдық кезеңінде бақ сынайды

Делиде (Үндістан) спорттық атудан Әлем кубогының финалдық кезеңі басталды, деп хабарлайды El.kz ақпарат агенттігі.

Olympic.kz мәліметінше, беделді турнирге қатысуға төрт қазақстандық спортшы шақырту алған. 

Оқпен атудан Никита Чирюкин және Константин Малиновский қатысады. Ал Мария Дмитриенко мен Әсем Орынбай стенд атудан жүлдеге таласады. 

Айта кетелік, Әлем кубогінің финалдық кезеңіне әр спортшы қатыса бермейді.

Қатысушылар тізімінде Олимпиада жүлдегерлері (бұл жағдайда Париждегі Олимпиада ойындарындағы жүлдегерлер), былтырғы Әлем кубогінің жеңімпаздары, сонымен бірге әлемдік рейтингте жоғары орындарда тұрған мергендер қатыспақ.Одан бөлек турнирге арнайы шақырту бойынша қатысуға болады.