Қазақстандық каратешілер әлем чемпионатында топ жарды.

2025 жылдың 10 мамырында Германияның Лейпциг қаласында IFK World Championship 2025 – Leipzig киокушин каратеден жастар мен жасөспірімдер арасында 7-ші әлем чемпионаты өтті, деп хабарлайды El.kz ақпарат агенттігі.

Жарысқа әлемнің 40 елінен 700-ге жуық спортшы қатысып, өзара мықтыны анықтады.

Қазақстан атынан жарысқа 50-ге жуық каратеші қатысты. Біздің ұл-қыздарымыз ел намысын лайықты қорғап, жоғары нәтижелерге қол жеткізді. Нәтижесінде Қазақстан құрамасы жалпыкомандалық есепте 1-орынды иеленіп, әлемге қазақ каратэшілерінің шеберлігін паш етті.
Жеңімпаздар мен жүлдегерлер тізімі:
Алтын медаль иегерлері:
1. Бут Виктория – 14-15 жас, 50 кг дейін
2. Бут Данил – 16-17 жас, 60 кг дейін
3. Кусельбаев Амир – 12-13 жас, 55 кг дейін
4. Нурмуратов Ануарбек – 12-13 жас, 45 кг дейін
5. Экажев Ибрагим – 12-13 жас, абсолюттік салмақ
6. Хестанов Вадим – U14, 40 кг дейін
7. Рубахов Кирилл – U18, 75 кг дейін
8. Захарченко Камилла – U21, 55 кг дейін

Күміс жүлде иегерлері:
1. Мухамеджан Адильжан – 14-15 жас, 65 кг дейін
2. Каркенова Саида – U14, 40 кг дейін
Қола жүлде иегерлері:
1. Серик Ади – U18, 70 кг дейін
2. Калдыбек Бейбарыс – U18, 65 кг дейін
3. Турспеков Радмир – U16, 50 кг дейін
4. Романулы Руфат – U21, 70 кг дейін
5. Перч Ангелина – U21, 65 кг дейін

Бұл жеңіс – тек спортшылар мен олардың жаттықтырушыларының еңбегі ғана емес, бүкіл Қазақстанның рухын көтеретін айтулы оқиға. Жас каратэшілеріміздің мұндай жетістігі – елімізде спорттың дамып келе жатқанын және болашақ чемпиондардың өсіп келе жатқанын көрсетеді.