Қазақстандық боксшы Әлем кубогында қола жүлдегер атанды

Қазақстандық боксшы Даниял Сапарбай Фос-ду-Игуасуда (Бразилия) өтіп жатқан Әлем кубогының кезеңінде қола жүлдеге ие болды, деп хабарлайды El.kz ақпарат агенттігі.

Отандасымыз 90 келіден жоғары салмақта өнер көрсеткен еді.

Даниял Сапарбай жартылай финалда өзбекстандық Жахонгир Зокировқа 0:5 есебімен жол берді. Нәтижесінде үшінші орын алды.

Сондай-ақ 4 сәуірде Нұрсұлтан Алтынбек, Диас Молжігітов, Дәулет Төлемісов, Жазира Орақбаева, Ұлжан Сәрсенбек финалға шығу үшін бақ сынайды.