Қазақстанда заңсыз жүрген африкалықтар Қонаев қаласында мектеп салған

Африкадан келген заңсыз мигранттар Қонаев қаласындағы құрылыстардың бірінде еңбек еткен, деп хабарлайды El.kz ақпараттық агенттігі.

ҚР ІІМ баспасөз қызметінің мәліметінше, Қонаев қаласында орналасқан мектептердің бірінде "Мигрант" жедел алдын алу шарасын өткізу барысында ғимаратты жөндеу бойынша заңсыз еңбек етіп жүрген Нигерияның тоғыз және Камерунның екі азаматы анықталды.

Елде болудың заңдылығын тексеру кезінде Африка елдерінен мигранттар Қазақстан Республикасының көші-қоны саласындағы заңнамасын бұза отырып, яғни болу құқығының мерзімі өткеніне (виза) қарамастан Қазақстан Республикасының аумағында жұмысын жалғастырған. Жұмыс берушілерді анықтау және жауапкершілікке тарту жұмыстары жүргізілуде, - делінген мәліметте.