Қазақстан сыбайлас жемқорлық дамыған елдер қатарына кірді

US News 2023 рейтингінде жемқорлық ең аз елдер қатарында Қазақстан 87 мемлекеттің арасында 75-орында тұр. Бұл туралы finprom.kz порталына сілтеме жасай отырып El.kz ақпарат агенттігі хабарлайды.

Сыбайлас жемқорлық ең аз елдер арасында Швейцария, Канада, Швеция, Австралия және Нидерланд бар.

Ал ТМД елдерінің арасында еліміздің көрсеткіші Ресей мен Беларусьтен жақсырақ екен. Ресей рейтингтің ең соңына жайғасқан. Есесіне Өзбекстан мен Әзербайжанда жағдай бізге қарағанда дұрыстау.

Оқи отырыңыз:

• Қазақстан құрамасының матчына Головкин келеді
• «Алиса» дауыстық көмекшісі енді қазақша сөйлейді

Мамандың мәліметінше, Қазақстанда биылғы қаңтар-тамыз айларының қорытындысы бойынша сотқа дейінгі тергеп-тексерулердің бірыңғай тізілімінде 1,2 мың сыбайлас жемқорлық қылмысы тіркелді. Бұл былтырғыға қарағанда 17,7% аз. Оның ішінде 855 жағдай ауыр қылмысқа, 283 жағдай – ауырлығы орташа, 43 жағдай – аса ауыр, 41-і ауырлығы төмен қылмысқа жатқызылды.

Қылмыстың басым көбі пара берумен байланысты болды: 460 жағдай. Одан кейінгі орындарда пара алу (320 жағдай) және алаяқтық (141 жағдай) бар.

Жиі жасалатын қылмыстардың қатарына лауазымдық өкілеттіктерді асыра пайдалану, сеніп тапсырылған бөтеннің мүлкін иемдену немесе ысырап ету, парақорлыққа делдал болу кірді.