Қазақстан ФИФА рейтингінде Қырғызстанға жақындады

Қазақстан құрамасы Халықаралық футбол федерациясының (ФИФА) рейтингіндегі жағдайын жақсартты, деп хабарлайды El.kz ақпарат агенттігі.

Өткен аптада ғана құрамамыз сырт алаңда Финляндияны 1:2 есебімен ұтқан болатын. Осының арқасында ФИФА Қазақстанның рейтингі өсірген. Яғни өткен іріктеуге қарағанда құрамамыз екі сатыға жоғарылап, 98-орынға көтерілді.

Магомед Адиев шәкірттері Мавритания мен Тринидада және Тобагоны артқа тастап, Қырғызстан мен Палестинаға жақындадық.

Алғашқы бестік өзгеріссіз: Аргентина көш бастаса, одан кейінгі орындарға Франция, Бразилия, Англия және Бельгия жайғасқан.