Қазақстан Черчесовке 500 мың еуро өтемақы төлеген - инсайдер

Футболдан ұлттық құраманың бас бапкерлігінен кеткен Станислав Черчесовке қанша ақша төленгені қызу талқыланып жатыр, деп хабарлайды El.kz ақпарат агенттігі.

ҚФФ мәліметінше, келісімшарт екі тараптың келісімі бойынша тоқтатылған. Танымал инсайдер Иван Карпов федерация Черчесовке қомақты өтемақы төлейді деп отыр. Инсайдердің мәліметінше, келісімшарт мерзімінен бұрын бұзылғаны үшін ресейлік маманға 500 мың еуро төленеді.

Черчесовтің жылдық табысы 1,2 миллион еуро екенін ескерсек, оған 5 айдың жалақысы беріледі. Егер бапкер цикл аяқталғанға дейін жұмыс істегенде, онда келісімшарт созылуы мүмкін еді. Алайда Саламұлының нәтижелері бұған жеткізбеді, - делінген мәліметте.

Станислав Черчесов 2024 жылдың маусым айында тағайындалып, Қазақстан құрамасын 7 ай 24 күн жаттықтырды. Оның қарамағында құрама 6 матч өткізіп, бір де бір гол соққан жоқ, бес рет жеңіліп, бір ойында тең түсті.