Қазақстан боксшылары Азия чемпионатын жеңіспен бастады

Бангкокта Қазақстан өкілдерінің қатысуымен бокстан 22 жасқа дейінгі Азия жастар біріншілігі басталды, деп хабарлайды El.kz ақпараттық агенттігі.

Аталған турнирді еліміздің ересектер құрамасының көшбасшыларының бірі Санжар Ташкенбай ашты. Титулды және талантты боксшы 48 келіге дейінгі салмақтағы 1/8 финалда Қырғызстан өкілі Анваржан Ходжиевті жеңді. Оның артынан Бангкок рингіне тағы бір боксшымыз Махмуд Сабырхан шықты, ол ЧА-2023 стартында 57 келіге дейінгі салмақта өзбек Мырзабек Мырзахалиловты жеңді.

19 қаңтарда ЧА-2023 кестесі бойынша шаршы алаңға қыздар да шығады:

• 48 кг Анель Құдайберген - Фарзона Фозилова (Өзбекстан)
• 50 кг Мөлдір Тойкова - Мариэль Таландрата (Филиппин)
• 52 кг Жансая Рахимберды - Тхи Хой Нгуен (Вьетнам)
• 57 кг Виктория Графеева - Натнича Чонгпронгкланг (Тайланд).

Азия біріншілігі 26 қаңтарда аяқталады.