«Қазақконцерт» әртістері Францияға гастрольдік сапармен барады

Роза Бағланова атындағы «Қазақконцерт» мемлекеттік академиялық концерттік ұйымының шығармашылық ұжымдары мен әртістері Францияның Белфор қаласында екі ерекше концерт қояды, деп хабарлайды El.kz ақпарат агенттігә.

Гастроль ҚР Мәдениет және ақпарат министрлігінің қолдауымен «Focus Kazakhstan 2024» ауқымды жобасы аясында өтеді.

Министрліктің мәліметінше, 19 қаңтарда Maison du Peuple de Belfort залында әлемге әйгілі «ТҰРАН» этно-фольклорлық ансамблі, қазақ өнерінің інжу-маржаны «Гүлдер» ансамблі және «Халық қазынасы» ұлттық өнер орталығының солистері Айзат Қарабек пен Асқар Мұқияттың қатысуымен «Дала әуендері» концерті өтеді.

Суретшілердің шығармашылық коллаборациясы көрермендерге дала рухы мен ұлттық мұраның байлығын біріктіретін қазақ мәдениетінің түрлі-түсті әлеміне сүңгуге мүмкіндік береді.

26 қаңтарда Француз көрермендеріне ҚР Еңбек сіңірген қайраткері Бибігүл Жанұзақ, Мәдениет саласының үздігі Дина Мирманова, «Дарын» мемлекеттік жастар сыйлығының лауреаты Азат Мәлік және «FORTE TRIO» қазақстандық мемлекеттік триосы өнер көрсетеді. Концертте шетелдік және қазақстандық композиторлардың классикалық музыка жауһарлары орындалады.

«Focus Kazakhstan 2024» жобасы Қазақстан мен Франция арасындағы мәдени ынтымақтастықты нығайтуға бағытталған. 2024 жылға дейін концерттер, жәрмеңкелер, фильмдер мен көрмелер өткізу жоспарлануда.