Қазақ-беларусь СІМ өкілдері Минскіде консулдық мәселелерді талқылады

Қазақстан Республикасы мен Беларусь Республикасының сыртқы істер министрліктері арасында екі мемлекеттің құзыретті органдары өкілдерінің қатысуымен кезекті консулдық консультациялар өтті, деп хабарлайды El.kz ақпарат агенттігі.

Делегациялар басқосуына ҚР СІМ Консулдық қызмет департаментінің директоры Азамат Аубеков пен БР СІМ Бас консулдық басқармасының басшысы Андрей Кожан жетекшілік еткен. 

Консультациялар барысында тараптар консулдық саладағы екіжақты ынтымақтастықтың ауқымды мәселелерін талқылады. Екі ел азаматтарының құқықтары мен мүдделерін қорғауды қамтамасыз ету мақсатында өзара әрекеттесу, консулдық-құқықтық саладағы екіжақты және көпжақты келісім-шарттар мен халықаралық конвенциялардың орындалу барысы, цифрлық технологияларды қолдану, сондай-ақ басқа да өзекті мәселелер қарастырылып отыр. 

Кездесу қорытындысы бойынша тараптар тиісті Хаттамаға қол қойып, консулдық қатынастардың барлық салалары бойынша ынтымақтастықты одан әрі нығайту жөнінде ниеттерін растады.