Қайырымдылыққа жинаған ақшаны жеке пайдасына жарататындар көбейді - Тоқаев

Бұл туралы мемлекет басшысы Ұлттық құрылтайда айтты, деп хабарлайды El.kz ақпарат агенттігі.

Қасым-Жомарт Тоқаев құрылтай мүшелері тағы бір жайтқа алаңдаушылық білдіріп отырғанын жеткізді.

Соңғы кезде ел ішінде түрлі алаяқтық әрекеттер жиілеп барады. Теріс пиғылды адамдар қайырымдылыққа деп ақша жинап, оны жеке басының пайдасына жаратады. Сондай-ақ көп адам интернет-алаяқтардан зардап шегуде. Бұдан бөлек, қазір жұртқа ақыл айтып ақша табатын жалған психологтар мен «коучтар» көбейіп кетті. Оларға сеніп, алданып қалғандар көп. Маған бұл туралы көптеген шағым түсіп жатыр. Бұл мәселені Құрылтай мүшесі Айгүл Орынбек дұрыс көтеріп отыр. Жауапты органдар бұл мәселені де назарға алуға тиіс, деді Тоқаев.