Қайтарылған активтер: 160 млрд теңге сумен жабдықтау жобаларына бағытталды

Премьер-министр Олжас Бектенов Үкімет отырысы барысында Арнаулы мемлекеттік қордан 230 сумен жабдықтау жобасын жүзеге асыруға 160 млрд теңге қарастырылғанын атап өтті, деп хабарлайды El.kz интернет порталы.

Жалпы, қаржыландыру көлемі 284,3 млрд теңгені құрайды. Қаражат екі министрлікке бағытталады.

Өнеркәсіп және құрылыс министрлігі арқылы 183,4 млрд теңге бөлінеді, оның 101,3 млрд теңгесі - Арнаулы мемлекеттік қордан.

Су ресурстары және ирригация министрлігі арқылы 100,9 млрд теңге бөлінеді, оның ішінде Арнаулы мемлекеттік қордан 59,3 млрд теңге қарастырылған.