"Қайрат" өз алаңында "Тобылды" жеңді

Қазақстан чемпионатының 19-туры аясында “Қайрат” пен “Тобыл” өзара кім мықтыны анықтады, деп хабарлайды El.kz ақпараттық агенттігі.

Алматыда өткен кездесу алаң иелерінің жеңісімен аяқталды - 2:1. “Қайрат” ойынның бесінші минутында есеп ашты. Вячеслав Швыревтен пас алған Артур Шушеначев қақпаны дәл көздеді.

Ал 12-минутта Йован Илич таразы басын теңестірді.

Матчтың 43-минутында Шушеначев - Швырев дуэті тағы көзге түсті. Бұл жолы Шушеначев нәтижелі пас берді.

Осылайша, жеңіске жеткен “Қайрат” қайта төртінші орынға көтеріліп, “Қызыл-Жарды” бесінші орынға сырғытты.

Голдар:

Шушеначев (Швырев), 5 (1:0); Илич (Шахов), 12 (1:1); Швырев (Шушеначев), 43 (2:1)