Қатар-2022: Франция Англияны жеңіп, жартылай финалға өтті

Қатарда өтіп жатқан футболдан әлем біріншілігінде Франция құрамасы Англияны жеңді, деп хабарлайды El.kz.

Тартысты доданы тамашалауға жанкүйерлер Эль-Байт стадионына жиналды.

Ойын есебін 17-ші минутта Орельен Чуамени ашты. Ал 54-ші минутта пенальтимен Харри Кейн есеп теңестірді.

Алайда негізгі уақыт аяқталуға 12 минут қалғанда Оливье Жиру гол соғып, командасына жеңіс сыйлады.

Командалар арасындағы бәсеке 2:1 есебімен аяқталды.

Сонымен, чемпионаттың жартылай финалға жолдама алған командалары белгілі болды.

13 желтоқсан күні Аргентина Хорватиямен кездессе, келесі күні Франция Марокко құрамасымен ойнайды.