Қарағандылық өрт сөндірушілер қайғылы оқиғаның алдын алды

Қарағандыда тоғызыншы қабаттағы пәтерден өрт шығып, ТЖМ қызметкерлерінің араласуымен қайғылы оқиғаға жол берілмеді, деп хабарлайды El.kz интернет порталы.

Бүгін Қарағанды қаласындағы 112 пультіне пәтерде өрт шыққаны туралы хабарлама түсті. Оқиға орнына жедел жеткен құтқарушылар тоғыз қабатты тұрғын үйдің жоғарғы қабатындағы пәтерден матрастын жанғанын анықтады. Өрттен шыққан түтін бүкіл пәтерге таралып кеткен.

Құтқарушылар есікті ашып, үй ішінде қалған 7 және 3 жасар екі баланы қауіпсіз жерге шығарды. Абырой болғанда, зардап шеккендер тіркелмеді. 

Бұл ретте төтенше жағдайлар министрлігі тұрғындарды өрт қауіпсіздігі ережелерін қатаң сақтауға қаперге салып отыр.