Қаңтарда 1 млн шаршы метр тұрғын үй пайдалануға берілді

Елімізде құрылыс жұмыстары өткен жылмен салыстырғанда қарқын алып келеді. Бұл туралы ҚР Ұлттық экономика министрлігінің міндетін атқарушы Тимур Жақсылықов Үкімет отырысында айтты, деп хабарлайды El.kz  ақпарат агенттігі.

Бұл өткен жылғы қаңтар айымен салыстырғанда 39,6%-ке артық екенін айтты.

«Тұрғын үйді пайдалануға беру бойынша ең жоғары көрсеткіштер Алматы және Атырау облыстарында, Алматы және Астана қалаларында байқалып отыр. Бұл көрсеткіштің айтарлықтай төмендеуі Ұлытау облысында тіркелді», - деді Тимур Жақсылықов.

Сонымен қатар, Құрылыс-монтаждау жұмыстарының ең жоғарғы өсуі Солтүстік Қазақстан, Ақмола, Алматы, Ұлытау және Ақтөбе облыстарында байқалып отыр. Жалпы құрылыс жұмыстарының көлемі 12,5%-ға ұлғайғанын атап өтті.