Павлодарда мас тұрғын жүк көлігін ұрлап, жол апатын жасады

Павлодарда ішімдік ішкен жас жігіт үй ауласында тұрған «Газель» көлігін айдап кеткен. Алайда жүк көлігін тізгіндеген ол алдымен көшедегі жол белгісіне, кейін автобус аялдамасы мен дүкенге соғылған, деп хабарлайды El.kz. 

Облыстық Полиция департаменті баспасөз қызметінің хабарлауынша, жүргізушіні жақын маңдағы полиция қызметкерлері ұстады және оның жүргізуші куәлігі жоқ екендігі анықталды. «Автокөліктің салонында 17 жастағы кәмелетке толмаған бала болған. Жүргізуші куәландырылып, Павлодар қаласының УҚҰБ-не (уақытша қамауда ұстау бекеті) орналастырылды. Мас күйінде және жүргізуші куәлігі жоқ ол автокөлікті жүргізгені үшін 20 тәулікке қамауға алынды» деп хабарлады полициядан.

Оқи отырыңыз:

• Шымкентте досының көлігін ұрлап кеткен ер азамат ұсталды
• Ақтөбеде көлік ұрлаған азамат қолға түсті

Көлік ұрлау фактісі бойынша сотқа дейінгі тергеу басталды. Жүк көлігі арнайы айыптұраққа қойылды.