Өзбекстанда алғашқы АЭС құрылысы басталады

Алдағы күндері Өзбекстанның Жызақ облысында болашақ атом электр станциясының (АЭС) алғашқы реакторлық қондырғысын салу жобасын жүзеге асыру басталады, деп хабарлайды El.kz интернет порталы.

Бұл туралы 9 қазанда Тәжікстан астанасы Душанбеде өткен «Орталық Азия – Ресей» екінші саммиті барысында Өзбекстан президенті Шавкат Мирзиёев мәлімдеді.

Алдағы күндері тарихи оқиға болды – Өзбекстанда атом электр станциясының алғашқы реакторлық қондырғысын және көпсалалы ядролық медицина орталығын салу жөніндегі бірлескен жобаларды іске асыру басталады, – делінген ел басшысының ресми сайтында жарияланған сөзінде.

Мирзиёевтің айтуынша, Орталық Азия елдері мен Ресей арасындағы энергетикалық ынтымақтастық болашақта да өңірдің тұрақтылығы мен қауіпсіздігін қамтамасыз ететін маңызды фактор болып қала береді. Сондай-ақ ол бүгінде Душанбе мен Мәскеудің стратегиялық маңызы бар бірқатар жобаны – газ құбырлары мен энергетикалық инфрақұрылымды дамыту жұмыстарын бірлесе атқарып жатқанын еске салды.