Басты
Жаңалықтар
Өзбекстан боксшысы тістеп алған Абылайхан Жүсіпов Азия чемпионы атанды

Өзбекстан боксшысы тістеп алған Абылайхан Жүсіпов Азия чемпионы атанды

Ақмарал Ағзамқызы
Фото: Спортты дамыту дирекциясының баспасөз қызметі

Қазақстан бокс федерациясы 11 желтоқсан күні Чианг Мэйде (Таиланд) өткен Азия чемпионатының ерлер арасында 71 келі салмақ дәрежесіндегі финал бойынша IBA және ASBC ұйымдарына наразылық хат жолдады, деп хабарлайды El.kz ақпарат агенттігі. 

Ресми хабарламада Абылайхан Жүсіпов пен Хавасбек Асадуллаев жекпе жегінде өзбекстандық боксшы тарапынан спорттық ереже өрескел түрде бұзылғаны айтылады. Шаршы алаңдағы төреші Джована Угренович (Сербия) бұл сәтте ешқандай ескерту жасамағаны да сөз етіледі. Ал, Қазақстан тарапында ереже бұзылуына дәлел ретінде фото және видео материалдар да бар.

Нәтижесінде IBA және ASBC ұйымдары осы салмақтағы ақтық сынды қайта қарастырып, келесі шешімге келді. 71 келіде Абылайхан Жүсіпов Азия чемпионы деп танылды, ал өзбекстандық боксшы белгілі мерзімге жарыстардан шеттетіледі.

өзбекстан Азия чемпионаты бокс
Қысқа да нұсқа. Жазылыңыз telegram - ға

Оқи отырыңыз

{