Өскеменде жантүршігерлік жол апаты болды

Қайғылы оқиға Өскемендегі Есенберлин даңғылының бойында - теміржол көпірінің маңында болған, деп хабарлайды El.kz ақпарат агенттігі.

ШҚО ПД мәліметінше, 20 маусым күні сағат 20:00 шамасында КамАЗ бен Geely көліктері соқтығысып, салдарынан жеңіл көліктің жолаушысы оқиға орнында көз жұмды, ал жүргізуші түрлі жарақатпен медициналық мекемеге жеткізілді.

Аталған факті бойынша қылмыстық іс қозғалып, тергеу амалдары жүргізіліп жатыр. Құрметті көлік жүргізушілері, жолда жүру ережелерін қатаң сақтауларыңызды сұраймыз! – делінген ШҚО Полиция департаменті таратқан мәліметте.