Оралбай халықаралық турнирде қарсыласын нокаутқа жіберді

Бокстан Қазақстан құрамасының капитаны Айбек Оралбай Кеңес одағының батыры Қарақозы Әбдалиев атындағы халықаралық турнирде алғашқы айқасын өткізді, деп хабарлайды El.kz ақпарат агенттігі.

1/8 финалда 92 келіден жоғары салмақ өкілі Айбек украиналық боксшы Кирилл Стоянцевті жеңді.

Кездесу бірінші раундта Оралбайдың нокаутымен аяқталды.

2 қазан күні өтетін ширек финалда Оралбай түркиялық Айдемир Угурмен өзара кім мықтыны анықтайды.

Естеріңізде болса, Оралбай Париждегі Олимпиада ойындарынан соң салмағын ауыстырды. Бұған дейін ол 92 келіге дейінгі салмақта өнер көрсетті.